Zornotzako Leginetxen AHTren aurka eusten
Aste bi dira Zornotzako Leginetxe auzoko baserrian sartu ginenetik eta erresistentziak aurrera darrai. Pasa den astean Zornotzako udaleko osoko bilkuran egon ginen testu bat irakurtzen (hemen bideoa). Zapatuan 40 bat pertsona elkartu ginen mendi martxan. Obrek eragindako txikizio guztia ikusi genuen bidean. Montorra auzoko San Lorentzo baselizatik ere pasatu ginen. Iaz nekropoli bat topatu zuten baselizaren ondoan. Azterketak egin zituzten, baina ikertzaileek bertako aztarna guztiak eraman zituzten eta txikitzaileek lasai jarraitu ahal izan dute guztia suntsitzen.
Bestetik, hona hemen aste honetan Leginetxeko baserrian egingo diren ekitaldien programa:
-Asteazkena: 17:30 Txalaparta ikastaroa
20:00 PTPren inguruko hitzaldia
-Osteguna: 17:30 Sendabelar tailerra
19:30 Kontzentrazioa Erreferendum plazan
-Larunbata: 11:00 Sanpantzar ikastaroa
-Igandea: 17:30 Batukada ikastaroa
