Gelditour Aurkezteko Prentsaurrekoa Udaletxearen Aurrean
Written on apirila 8, 2008 – 11:45 am | by gari |Gelditour aurkezteko prentsaurrekoa udaletxearen aurrean
| Posted in » Ahtren Aurkako Gazte Eguna
Written on apirila 7, 2008 – 9:12 pm | by oinate |AHTren aurkako Gazte Eguna burutu zuten larunbatean Durangaldeko Gaztetxe eta Gazte Asanbladek
Goizetik animazioa, jolasak eta eztabaidak izan zituzten. Eguerdian bazkaria burutu zuten 200 gaztek eta arratsaldean 800 gazte inguruk manifestazioa burutu zuten AHTren aurka.
Gaur durangaldeko gazte eguna ospatu dugu, eskualdeko gaztetxe eta gazte asanbladek antolaturik. Goizetik animazioa, jolasak eta eztabaidak egon dira. Eztabaidetan, aipatzekoa da 50 gazte inguru batu garela AHtren eragin sozialen inguruan hausnartzeko.
Bazkarian, 200 bat gazte egon gara, eta arratsaldeko 5etan hasi den manifestazioa oso jendetsua izan da. Ehundaka gazte egon gara bertan, 800 inguru hain zuzen. Gazteok AHTri Ez!, Herriak bizirik, AHTrik Ez!, Gazte borrokaz AHT gelditu, PNV txikitzaile, PNV diruzale…eta antzeko lemak ohiukatu ditugu.
Ondoren egin den ekitaldian, gazte asanblada bakoitzeko kide bat igo da, eta herriko egoeraren berri emanez, AHTren kontrako jarrera adierazi dute. Horien ostean, bi gaztek egunaren irakurketa egin dute. Gauean, Rock maratoia izango da eskualdeko musika taldeen eskutik, DMTE elkartearen laguntzarekin hain zuzen ere. Gaurkoan ere, argi geratu da, durangaldeak eta bertako gazteok ez dogula AHTrik nahi.
www.durangaldekogaztetxea.com
Durangoko Udalak Elkarlanak Aurkeztutako Mozinoa Onartu Dau.
Written on apirila 3, 2008 – 5:46 pm | by gari |Mozinoan Udalari eskatu jako AHT egiteko kaltetuko dabezan lur jabe guztiei
informazinoa emoteko. Desjabetuko dabezan lur jabeetaz ganera, trenaren
ondoan geratuko diran lur jabeek be kalteak eukingo dabez euren lurretan,
eta lur jabe horreei informazinoa emoteko eskatu deutso Elkarlanak Udalari.
Apirilaren 3ko osoko batzarrean ondokoa bozkatu dabe Durangoko Udaleko
alderdiek:
Alde: EAJ, EAE-ANV, PSOE, Aralar eta Ezker Batua
Abstentzinoa: PP
Mozinoaren testu osoa jarraian agertzen da (euskeraz eta erderaz):
Apirilaren 5-eko Egitaraua
Written on apirila 1, 2008 – 7:57 pm | by editorea | http://www.durangaldekogaztetxea.com/ helbidetik hartutako berria
Dagoeneko badago prest Apirilak 5eko egitaraua. Eguneko ekimenak lehengo urtekoaren antzerakoa izango da:
Goizean umeentzako jolasak izango dira eta aldi berean eztabaidak. Gainera aurtengo eztabaidak gazte ikuspegi batetik ikusita, AHTk gazteoi ekar dakiokeen kalte sozialak izango dira eztabaidagai, kalte ekologikoez gain.
Eguerdian, eztabaiden ondorioak aterako dira eta ondoren alde zaharretik bertsopoteoari ekingo zaio. 14′00etan gazte bazkaria antolatuko da Andra Mariko elizpean.
Bazkariko txartelak astelehenetik aurrera salgai izango dira herri bakoitzean, 5 euroren truke.
Arratsaldeko 17′00etan hasiera emango zaio MANIFESTAZIOAri, ekitaldi batekin Andra Marin bukatzeko. Ondoren antzerki bat izango da, kontzertuei hasiera emateko.
Kontzeruak 20′00etan hasiko dira Andra Mariko elizpean eta Durangoko gaztetxean. Horrela hurrengo taldeak joko dute Andra Marin:
- Electric souls
- Electric souls
- Niri bost
- Fisin Boys
- Halbstarke
- Sugoi
- Tanga Opilak
- Edan
Eta Gaztetxean hurrengoak:
- Namek planet
- Sus Scrofa
- Damudot
Etorri eta parte hartu!
Gure etorkizunaren alde. Gazteok AHTri EZ!
Apirilak 5 gazteok Durangora!
Antzokin Burututako Hitzaldiaren Bideoa
Written on martxoa 31, 2008 – 11:38 am | by oinate |AHTren aurkako Asanbladak antolatutako hitzaldiaren bideoa hemen daukazue. Durangoko Kafe Antzokian burutu zen eta hainbat eztabaidak sortu ziren. Italiako, Galiziako eta Kataluniako jendearekin hitz egiteko aukera izan genuen.
Desjabetuen Batzarra Durangon
Written on martxoa 31, 2008 – 9:18 am | by gari |AHTk kaltetuko dauazan lur-jabeentzako deialdia
Denbora aurrera doa eta oraindino ez dakigu noz hasi gura dabezan Abiadura Haundiko Trena eraikitzeko lanak gure eskualdean. Hauteskunde kanpainan egunkari batean argitaratu eben martxoan sartuko zirala makinak Bizkaian. Zornotzan eta Lemoan desjabetzeak sinatu ebezan hilaren hasieran. Durangalde osoan topografia lanak egin dabez eta mendia poliziaz josi dabe lan horreek zaintzeko (ez ete dira konturatzen poliziaren indarrez inposatu behar badeuskue, eurek kentzen deutsiela zilegitasuna “guztiz demokratikoa” ei dan proiketuari?). Martxoaren 15ean mila lagun inguruk AHTren aurkako manifestazinoa egin eben Zornotzan…
Hori da gitxi gorabehera gaur egun AHTren inguruan Durangaldean daukagun egoera, eta bitartean, herritarrok informazinorik jaso barik jarraitzen dogu. Agintariak dana ezkutuan egiten dabiltza, eta lurrak kenduko deutsiezanai be ez deutsie behar dan moduko informazinorik emon oraindino. Horren aurrean, Durangoko AHT Gelditu Elkarlanak batzarra egingo dau desjabetuekaz datorren eguenean, apirilak 3, arratsaldeko zazpietan Pinondo Etxean.
Batzarrean ingeniari batek, abokatu batek eta eskualdeko alkate batek parte hartuko dabe, eta desjabetuei benetako informazinoa emongo jake eta lur-jabeek zalantzak argitzeko aukera eukingo dabe.
Desjabetuez ganera, baina, badagoz beste lur-jabe kaltetu batzuk be, eta eurek be ez dakie ezer. Trena egiteko hainbat eta hainbat lur desjabetu egingo dabez, eta horren truke dirua ordainduko deutse lur-jabeei. Baina trenaren ondoan geratuko diran lurrek be trenaren ondorioak jasango dabez, eta agintariek darabilen ezkutukeriaren ondorioz, bertako jabeek ez dakie euren lurren ganeko hainbat eskubide galduko dabezala. Lurrak eurenak izaten jarraituko dabe, ez dabe lurren titulartasuna galduko, baina, adibidez, traba asko eukingo dabez bertan eraikitzeko, zuhaitzak landatu eta bota edo bedarra erre gura dabenean baimena eskatu beharko dabe Madrilen… eta trukean ez dabe inongo ordainik jasoko. Beraz, trenaren ondoan lurrak daukiezan guztiei be deitzen deutsiegu datorren asteko batzarrera etorri daitezan euren lurren ganean daukiezan eskubideak zelan babestu jakin dagien.
AHT egiteko lurrak kendu behar badeutsuez edo AHTren inguruan lurrak badaukazuez, zatoze datorren asteko batzarrera eta agintariek ezkutatzen deutsuen informazinoa emongo deutsuegu.
DESJABETZERIK EZ!! AHTrik EZ!!
Isunak Ordaintzeko Kontzertuak Durangoko Gaztetxean
Written on martxoa 27, 2008 – 11:20 am | by gari |Durangoko Sapuetxe Gaztetxetik ondoko oharra bialdu deuskue:
Ez gaituzue geldituko!!!
ni TAV, ni juicios, ni multas!!
Jornadas beneficas
En fiestas de Durango (octubre 2007), los zipaios retuvieron, identificaron y condujeron a comisaria a 7 jovenes denunciandolos por hacer pintadas y pegar carteles contra el TAV. Bajo la acusacion de deslucimiento de fachada, la fiscal pide la multa maxima: 3800 euros(el coste de la limpieza de las pintadas, segun el ayuntamiento) y 6 dias de localizacion permanente. A dia de hoy ya se les ha notificado a los jovenes que deben cumplir los 6 dias de localizacion permanente. La cuantia exacta de la multa esta aun por conocer. Los beneficios de estos dos dias seran para pagar la multa.
AHTrik EZ eta KITTO!!!!
TXIKITZAILEAK TXIKITU!!
AUTOORGANIZAZIOA eta BORROKA!!
Durangoko Sapuetxe Gaztetxean
MARTXOAK 27, OSTEGUNA
20:00etan LUNTX
21:30etan BIDEOEMANALDIA
LOS EDUCADORES
MARTXOAK 28, Ostirala
14:30etan BAZKARI HERRIKOIA 3e
eta ondoren: MANTALA NO! (kantautorea Beasain)
21:00etan MONOLOGOA EL SHOW DEL ALIMAÑA
22:00etan KONTZERTUA:
KUARTO ASALTO (punk Durango) y KOSTRA NOSTRA ( kostrapunk Balentzia)
Ahtren Aurkako Borrokak Munduan
Written on martxoa 17, 2008 – 1:28 pm | by oinate |AHTren aurkako Asanbladak antolatuta hitzaldiak egingo dira datozen egunotan hainbat herritan. Durangon martxoaren 25ean, martitzena, izango da, arratsaldeko zazpietan Plateruena Kafe Antzokian. Italiako, Galiziako eta Kataluniako jendeak parte hartuko dau.
